TUBOD FESTIVAL @ Brgy. Tinubdan

Ang tinubdan nagagikan sa Cebuano o binisaya nga pinulungan “Tubod” buot sabton tuburan. Ang tuburan o tubod mao ang gigikanan sa tubig nga maoy gigamit sa mga panimalay sa mga unang lumulupyo sa barangay tinubdan. Ug aron sa pagpakita sa pagkamapasalamaton tungod sa kaabunda sa kinaiyahan sama sa tubig ug uban pang mga grasya nga nadawat sa barangay, ang barangay Tinubdan magpahigayon sa ilang pinaka-una nga festival nga mao ang “TUBOD FESTIVAL”.

Kini pahinungod ug halad pasalamat sa ilang patron nga si Senior San Roque. Kining Tubod Festival naglangkob ug duha ka mga importanting butang: usa, ang sinugdanan ug kalambigitan sa kaniadtong mga panghitabo, ikaduha, ang relihiyosong pagtoo ug tradisyon sa mga taga tinubdan nga naghulagway sa kahugpungan sa katawhan sa barangay Tinubdan. Pinaagi niini, masukod ang panaghi-usa ug pagtinabangay sa mga tawo, ug ang ilang lig on nga relasyon sa Ginoo.

Kining dako nga aktibidad nagpadayag sa kinaiyahan, kultura ug pagka relihiyoso sa mga taga Tinubdan, piaagi sa parade ug group dancing competition arun paghimu ug mabulukong kasadya sa barangay. Daghan kaayong salamat Mayor Ramon C. Oñate, Sangguniang Bayan opisyal, Sangguniang Kabataan Palompon Chapter SK Federation, PMETC,Inc.,Palompon Emergency Rescue Team, Tinubdan Emergency Rescue Team, PIT, Radio Kausabawan, KARANCHO Palompon Chapter, CSFJ Band, B-MEG, Tinubdan Elementary School,og sa Brgy. Tinubdan opisyal Kapitan Marwine Nuñez Mingasca og sa iyang mga kauban og labina sa tanang lumulupyo dinhi sa tinubdan.

Kanatong tanan daghan og daghan kaayong salamat sa atong pagtinabangay nga kining unang TUBOD Festival nag malampuson. Congratulations Alfredo Parilla National High School for the Champion of Tubod Festival group dancing competition. Viva Sr. San Roque

#itsMOREfuninPALOMPON


Copyright © 2015. Municipality of Palompon, Province of Leyte. All rights reserved.
Do NOT follow this link or you will be banned from the site!