AKONG PALOMPON, AKONG GARBO

Siya si Nanay Conchita Lepon, 100years old na nga taga Brgy. Magsaysay.

Gitunol nilang Mayor Myra Georgina Arevalo ug Konsehal Henry Encarnacion ang tseke nga nagkantidad og 20mil (twenty thousand pesos) ngadto kang Nanay Conhita pinaagi sa Municipal Social Welfare and Development Office sa lungsod.

Gihikay na usab sa MSWDO ang laing P100,000 (one hundred thousand pesos) nga hinabang alang sa centenarian nga si Nanay Conchita nga gikan sa atong national government.

Bisan sa iyang pangedaron nga usa ka gatos ka tuig apan mapahiyomon ug abtik pa kaayo motubag sa mga pangutana si Nanay Conchita. Gani iyang gisaysay nga usa sa iyang sekreto sa taas niyang kinabuhi mao ang tabako nga maoy iyang gigamit matag adlaw aron molaski ang iyang lawas kanunay. Nakatabang usab kaniya ang pagkaon kanunay og mga utanon, isda ug dili kaayo mokaon sa karne sa baboy.

Si Nanay Conchita dunay 12 ka mga anak ug daghang mga apo.

Nalipay usab si Nanay Conchita kay sa usa ka gatos ka tuig niyang pagpuyo sa Palompon nahimamat niya ang labing unang babayeng mayor sa kasaysayan sa atong lungsod.

Among PAGSALUDO!


Copyright © 2015. Municipality of Palompon, Province of Leyte. All rights reserved.
Official Website of Palompon Municipality, Province of Leyte